Plantun de Prouvènço

Pèr coumpara dos planto d'encò nostre

Azolla filiculoides & Vitis riparia x Vitis rupestris

Azolla filiculoides

Salviniaceae

Nom en français : Azolla fausse filicule.

Descripcioun :
Aquesto pichoto planto que trachis de coumpagno emé li lentiho d'aigo, es un pichot féuse que nous vèn de l'Americo dóu miejour. Creis peréu sus li limas gourga d'aigo. Se recounèis à si foundo ramificado, dicoutoumico que dounon d'èr i fueio de tuia.

Usanço :
D'estùdi soun facho pèr vèire coume poudrié fissa l'azote d'aigo.

Port : Erbo
Taio : 1 à 5 cm
Fueio : Foundo
Tipe bioulougico : Idroufite
Cicle bioulougico : Planto renadivo

Gènre : Azolla
Famiho : Salviniaceae

Ordre : Salviniales

Coulour de la flour : Ges de flour
Petalo : ges
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : 0 à 400 m
Aparado : Noun

Liò : Aigo
Estànci : Termoumediterran à Mesoumediterran
Couroulougi : Neoutroupicalo
Ref. sc. : Azolla filiculoides Lam., 1783

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.